Doke Kode

Doke Kode 

आजच्या वेगवान आणि तंत्रज्ञानप्रधान युगात मोबाईल, सोशल मीडिया आणि आभासी जगाने मुलांना व युवकांना अक्षरशः वेढून टाकले आहे. सततच्या 'स्क्रीन' समोर राहण्यामुळे संवाद कमी होत आहेत, एकाग्रता ढासळत आहे आणि विचार करण्याची सवयही कमी होत चालली आहे. अशा काळात ही शब्दकोडी म्हणजे एक आनंददायी पर्याय ठरावीत. या हेतूने सकाळने 'डोकं- कोडं' नावाची पुरवणी प्रकाशित केली होती. त्याला वाचकांचा प्रचंड प्रतिसाद मिळाला. त्यातील काही कोडी या पुस्तकात एकत्रितपणे मांडली आहेत. मोबाइलच्या पडद्यापासून थोडा वेळ दूर जाऊन शब्दांच्या या रंगीबेरंगी विश्वात रमण्याची प्रेरणा या पुस्तकातून मिळावी, अशी अपेक्षा आहे.

विशेष म्हणजे, ही शब्दकोडी केवळ वैयक्तिक आनंदापुरती मर्यादित नाहीत. कुटुंबातील सर्व सदस्यांनी एकत्र बसून सोडवावीत, चर्चा करावी, विचारांची देवाणघेवाण करावी आणि त्या निमित्ताने नात्यांमध्ये उब निर्माण व्हावी, अशीही या पुस्तकाची भूमिका आहे. कौटुंबिक संवादांना पुन्हा एकदा शब्दांचा सुंदर धागा मिळावा, हीच या प्रयत्नामागची भावना आहे.